কোলাত শিশুলৈ ক্ৰন্দনৰত ঋতুপৰ্ণৰ পত্নীৰ সেই মৰ্মান্তিক দৃশ্যটো I আমি কি কৰিব পাৰো?

আহক    আমি ন্যায়ৰ বন্তিবাহক হওঁ ছফিউল ইছলাম ঋতুপৰ্ণাৰ পত্নীয়ে কোলাত শিশুলৈ ক্ৰন্দনৰ দৃশ্য অতি মৰ্মান্তিক৷ কোনে জানে কাইলৈ যদি আপ...

আহক  আমি ন্যায়ৰ বন্তিবাহক হওঁ

ছফিউল ইছলাম

ঋতুপৰ্ণাৰ পত্নীয়ে কোলাত শিশুলৈ ক্ৰন্দনৰ দৃশ্য অতি মৰ্মান্তিক৷ কোনে জানে কাইলৈ যদি আপোনাৰ শিশুৱে এনে দৃশ্য প্ৰত্যক্ষ কৰিব লাগে৷ আপোনাৰ পত্নীয়েও যদি আপোনাৰ কাৰণে বিলাপ কৰিবলগীয়া পৰিস্থিতিৰ সৃষ্টি হয় তেন্তে আপোনাক সান্তনা দিবলৈ কোনো নাথাকিব৷ বিগত কিছুবছৰ ধৰি ভীৰৰদ্বাৰা বা গণপ্ৰহাৰত বহুলোকৰ মৃত্যু ঘটিছে৷ শেহতীয়াকৈ এইধৰণৰ হত্যা আমাৰ অসমলৈ বিয়পি পৰিল৷ মহম্মদ আখলাকৰ পৰা আৰম্ভ কৰি মাত্ৰদুদিনৰ আগতে গুৱাহাটীৰ নুনমাটিত হত্যাৰ বলি হোৱা ঋতুপৰ্ণ পেগুলৈ বিভিন্ন গইনাত মানৱতাৰ অপমৃত্যু ঘটিল৷ কাৰোবাক যদি গো-মাংসৰ নামত, কাৰোবাক জয়শ্ৰী ৰামৰ নামত, আন কাৰোবাক আকৌ অন্ধবিশ্বাসৰ নামত, কিছুমানক আকৌ অপহৰণৰ নামত৷ ৰাষ্ট্ৰীয় পৰ্যায়ত ইয়াক লৈ #notInmyName অভিযান চলোৱা হৈছিল৷সেই অভিযান বৰ্তমান বন্ধ হৈ আছে৷আখলাকৰ হত্যাৰ পিছত আশা কৰা হৈছিল যে ৰাষ্ট্ৰ যন্ত্ৰই বিষয়টো গুৰুত্বসহকাৰে লৈ সময়োপযোগী পদক্ষেপ লৈ এনে হত্যাকাণ্ড চিৰদিনলৈ বন্ধ কৰিব৷ কিন্তু কাৰ্যতঃ সেয়া হৈ নুঠিল৷তাৰ পৰিণামস্বৰূপে লাহে লাহে আজি অসমলৈ বিয়পি পৰিল৷কাৰ্বি পাহাৰত অভি-নীলক হত্যা কৰাৰ পৰা ঋতুপৰ্ণলৈ বহকেইজন এনে হত্যাৰ বলি হ’ল৷

এনেসময়ত আমি কি কৰিব পাৰো৷আমি এনেধৰণৰ হত্যাৰ বিৰোধিতা কৰা উচিত৷ এইটো সময়ৰ দাবী আৰু ন্যায় বিচাৰৰ বাবে থিয় দিয়াটো হজৰত মহম্মদ(ছঃ)ৰ ছুন্নত৷কিয়নো আল্লাই পৱিত্ৰ কোৰানত কৈছে ‘‘আমি আমাৰ ৰছুলসকলক সুস্পষ্ট নিদৰ্শনৰ সৈতে পঠাইছো আৰু তেওঁলোকৰ লগত পুথি আৰু ন্যায়-নীতিৰ মানদণ্ডও প্ৰেৰণ কৰিছো, যাতে  মানুহে ন্যায়-নিষ্ঠাৰ ওপৰত প্ৰতিষ্ঠিত থাকিব পাৰে৷ (ছুৰা-৫৭ আয়াত ২৫)৷

এনে ধৰণৰ হত্যা লীলাৰ বিৰুদ্ধে আমি কি কৰিব পাৰোঃ

• —   আমি শান্তিপুৰ্ণ প্ৰতিবাদত অংশগ্ৰহণ কৰিব পাৰো৷
• —   সাংবাদিক- সম্পাদকলৈ ফোন কৰি অপৰাধীৰ ধৰ্মৰ ওপৰত নহয় অপৰাধ আৰু ৰাইজৰ প্ৰতিবাদক গুৰুত্ব দিবলৈ আহ্বান জনাব পাৰে৷ ৷
• —   #justiceForRituparnaPegu#EverylivesMatter অভিযান চলাব পাৰে৷
• —   যদি প্ৰয়োজন হয় ভুক্তভোগীৰ পৰিয়ালক সহায় আগবঢ়াব লাগে৷

ভীৰতন্ত্ৰৰ দ্বাৰা হত্যাৰ ঘটনাক গুৰুত্বসহকাৰে লোৱা উচিত মুছলমান দল-সংগঠনে

• —  কাৰণ ন্যায়ৰ সপক্ষে থিয় দিয়া নবীয়ে শিকাই দিয়া দায়িত্ব৷হজৰত মহম্মদ(ছঃ)এ জীৱনৰ অন্তিমটো হজৰ ভাষণত এই দায়িত্ব আমাৰ ওপৰত এৰিছে৷আৰু হজ কৰিবলৈ গৈ সেইকাৰণেই ক’বলগা হয়—লাব্বাইক আল্লাহুমা লাব্বাইক(অৰ্থাৎ হে আল্লাহ মই আপোনাৰ সেৱাত উপস্থিত হৈছো৷)
• —  আমি তেতিয়ালৈ ভাল মুছলিম হ’ব নোৱাৰিম যেতিয়ালৈ আমাৰ অন্তৰত আনৰ কাৰণে মানৱতা জাগ্ৰত নহয়৷
• —  আমি এই কাৰণে ভীৰতন্ত্ৰৰ দ্বাৰা হত্যাৰ বিৰুদ্ধে থিয় দিব লাগে কিয়নো আমাৰ সম্প্ৰদায়ৰ অধিকসংখ্যকে ইয়াৰ ভুক্তভোগী৷মুছলমান সমাজ ইয়াৰ বাবে দুবাৰ ভুগিব লাগে৷ এবাৰ মুছলমান হোৱাৰ বাবে হত্যাৰ বলি হয়, পিছৰবাৰ আইনী মেৰপাকৰ বাবে৷
• —   আমি সেইসকলৰ হৈ থিয় দিব লাগে যিসকলে আমাৰ হৈ থিয় দিয়ে৷

মুছলমান সমাজে কৰিবলগীয়া কাম

—আমি মুছলমান দল সংগঠনক ৰছুলৰ এই কামৰ বাবে উৎসাহিত কৰিব লাগেঃ

·         প্ৰত্যেক শুকুৰবাৰে ন্যায় বিচাৰ আৰু ইয়াৰ বাবে প্ৰয়োজনীয় সংগ্ৰামৰ ওপৰত খুতবা দিব লাগে৷

·         শিক্ষাক মাইলৰ খুঁটি হিচাপে প্ৰতিষ্ঠা কৰিব লাগে৷

·         প্ৰ্ত্যেকখন চহৰত এনে হত্যাৰ বিৰুদ্ধে সংগঠিত আন্তঃধৰ্মীয় অনুষ্ঠানৰ সৈতে মতবিনিময় কৰিব লাগে৷

·         অপৰাধ অপৰাধেই, অপৰাধৰ কোনো ধৰ্ম নাই৷ বিষয়টোৰ ওপৰত আলোচনা অনুষ্ঠিত কৰিব পাৰে৷

·         ভাৰতীয় বৈচিত্ৰতাক ভালপোৱা লোকসকলক চিনাক্ত কৰিব লাগে৷

·         হত্যা হিংসাক উচটনি দিয়াসকলৰ বিৰুদ্ধে ওচৰৰ আৰক্ষী থানাত গোচৰ দাখিল কৰিব লাগে৷

·         সকলোৰে মাজত সজাগতাৰ সৃষ্টি কৰিব লাগে কোনেও এনেধৰণৰ কুচিন্তাৰ ফান্দত ভৰি নিদিয়ে৷মনত ৰাখিব আল্লাই আমাক পৱিত্ৰ কোৰআনত শিক্ষা দি কৈছে যে এজন নিৰপৰাধ লোকক হত্যা কৰাটোৱে সমগ্ৰ মানৱ জাতিক হ্ত্যা কৰা বুজায়৷ (কোৰআন-৫-৩২)

আহক আমিসকলোৱে ন্যায়ৰ বন্তিবাহক হওঁ

·         আল্লাই ন্যায় প্ৰদানৰ ক্ষেত্ৰত কৈছে—

‘‘হে ঈমানদাৰসকল, তোমালোকে ন্যায় বিচাৰত দৃঢ়প্ৰতিজ্ঞ হৈ থাকিবা৷ আল্লাহৰ পক্ষে সাক্ষ্য দিবা, সেয়া তোমালোকৰ নিজৰ বা পিতৃ-মাতৃৰ অথবা আত্মীয়-স্বজনৰ বিৰুদ্ধেই নহওঁক কিয় অথবা ধনী বা দৰিদ্ৰৰ পক্ষেই নহওঁক কিয়! সিঁহতৰ প্ৰতি তোমালোকতকৈ আল্লাহ বেছি হিতাকাঙ্খী৷তোমালোকে প্ৰবৃতিৰ কামনাৰ বশৱৰ্তী হৈ ন্যায় বিচাৰৰ পৰা বিৰত নাথাকিবা৷ তোমালোকে যদি (সত্যক) বিকৃত কৰা বা (ন্যায়) বিচাৰ কৰিবলৈ অনিচ্ছুক হোৱা (জানি থোৱা), তোমালোকৰ সকলো কাম-কাজৰ বিষয়ে আল্লাহ অৱগত হৈ থাকে৷ (কোৰআন—৪-১৩৫)

মনত ৰাখিব এতিয়া মৌন হৈ থাকিলে কাইলৈ আপুনিও ইয়াৰ দ্বাৰা আক্ৰান্ত হ’ব পাৰে৷ গতিকে এতিয়াই সময় এনেধৰণৰ হত্যা-হিংসাৰ বিৰুদ্ধে মাত মাতিবলৈ৷

নিৰপেক্ষ আৰু শুদ্ধ সাংবাদিকতাক সহায়-সহযোগিতা আগবঢ়াবলৈ নাপাহৰিব৷

patreon.com/safiulislams